चितवन । राष्ट्रिय स्वतन्त्र पार्टी (रास्वपा) का सभापति रवि लामिछानेले आफूहरूमाथि लाञ्छना लगाउनेहरुलाई चितवनबासीले एकमुष्ट जवाफ दिएको बताउनुभएको छ ।
प्रतिनिधिसभा सदस्य पदका लागि चितवन–२ भएको उपनिर्वाचनमा भारी मतान्तरले निर्वाचित भएपछि उहाँले जनताले निर्वाचनको क्रममा आफूहरूमाथि गरेको अपमानको जवाफ दिएको बताउनुभयो ।
“निर्वाचनको क्रममा हामीमाथि विभिन्न लाञ्छना लगाएका छन् । विभिन्न आरोप प्रत्यारोप लगाएका छन् । अपमान गरेका छन् । सार्वजनिक अभिव्यक्ति नै सुन्न नसक्नेछन् । व्यक्तिगत तहमै उत्रिएर गालीगलौज गरेका छन् । कतिपयल जवाफ दिनुस् भन्नुहुन्थ्यो । मैले भन्ने गर्थें– यसको जवाफ मैले राख्नु पर्दैन चितवनवासीले राखेका छन् भनेर । आज सबैको जवाफ एकमुष्टरूपमा चितवनले स्वस्तिक छाप लगाएर दिएको छ ।”
उहाँले निर्वाचनका क्रममा आफ्ना समर्थकबाट भएको गल्तीमा माफीसमेत माग्नुभयो ।
