चितवन । प्रतिनिधिसभा सदस्य पदका लागि चितवन–२ मा भएको उपनिर्वाचनमा भारी मतान्तरले विजयी भएका राष्ट्रिय स्वतन्त्र पार्टी (रास्वपा) का सभापति रवि लामिछानेले सुशासनको एजेन्डामा टेकेर समृद्धि ल्याउने बताउनुभएको छ ।
लामिछानेले सञ्चारकर्मीसँग जनताले खोजेको भष्ट्राचार नियन्त्रण र सुशासन भएकोले आफूहरुको मुख्य जोड त्यसैमा रहने बताउनुभयो ।
भष्ट्राचारसहित सरकारी संयन्त्र र जनताले अनुभूत हुने गरी सुशासन कायम गर्न लागिपर्ने उल्लेख गर्दै सभापति लामिछानेले आमअपेक्षा पनि यहीँ रहेकोले सोहीअनुसार आफूले मत पाएको उनको जिकिर गर्नुभयो ।
