काठमाडौं । राष्ट्रिय स्वतन्त्र पार्टी (रास्वपा) का सांसद ढाकाकुमार श्रेष्ठ आजबाट पदमुक्त हुने भएका छन् । प्रतिनिधिसभाको आजको बैठकमा सभामुखले सांसद ढाका पदमुक्त भएको संसदलाई जानकारी गराउने भएका छन् ।
केहीबेरमा सूरू हुने प्रतिनिधिसभा बैठकको कार्यसूचीमा समामुख देवराज घिमिरले राजनीतिक दलसम्बन्धी ऐनबमोजिम दलबाट निष्कासन गरेको सूचनाको जानकारी गराउने तय भएको छ ।
व्यवसायी दुर्गा प्रसाईंसँग दुई करोड डिल गरेको आरोपमा रास्वपाले सांसदसहित पार्टीको साधारण सदस्यसमेत नरहने गरी श्रेष्ठलाई कारबाही गरेको थियो ।
श्रेष्ठ रास्वपामा समानुुपातिक कोटाका सांसद थिए । रास्वपालेउनको ठाउँमा विन्दवासिनी कंशाकारलाई सांसद बनाउने निर्णय गरेको छ । सभामुखले आज संसदमा जानकारी गराएपछि कंशाकारलाई निर्वाचन आयोगले सांसद नियुक्तीको तयारी गर्नेछ ।
