काठमाडौँ । नेपाली क्रिकेट टिमका पूर्व कप्तान पारस खड्काले लेग स्पिनर सन्दीप लामिछानेलाई बधाई दिएका छन् ।
सन्दीपले ओडिआई क्रिकेटमा सबैभन्दा छिटो (४२ औं खेल)मा १०० विकेट लिएर विश्वकीर्तिमान बनाएपछि पूर्व कप्तान खड्काले ‘वेल डन सन्दीप’ भन्दै बधाई दिएका हुन् ।
पारसले सामाजिक सञ्जाल फेसबुकमा लेखेका छन् ‘वल्र्ड रेकर्ड एलर्ट । फास्टेस्ट इभर टु हन्ड्रेड ओडिआई विकेट्स । वेलडन सन्दीप लामिछाने ।’
एसीसी प्रिमियर कपमा ओमानविरुद्धको खेलमा आज अदिल शफिकलाई आउट पार्दै सन्दीपले ओडिआई इतिहासकै दुर्लभ कीर्तिमान बनाउन सफल रहे ।
सबैभन्दा छिटो ओडीआईमा सय विकेट पूरा गर्ने खेलाडीको पहिलो नम्बरमा रासिद खान थिए । अब, सन्दीप पहिलो स्थानमा रहँदा रासिद खान दोस्रोमा झरेका छन् ।
यस्तै, अस्ट्रेलियाका मिचेल स्टार्क रहेका तेस्रो स्थानमा रहेका छन् । स्टार्कले ५२ खेलमा सय विकेट लिएका थिए ।
