एजेन्सी । युभेन्ट्स युरोपा लिगको सेमिफाइनलमा प्रवेश गरेको छ । गएराति भएको क्वाटरफाइनलको दोस्रो लेगमा पोर्चुगीज क्लब स्पोर्टिङ सीपीसँग १–१ गोलको बराबरी खेलेपनि समग्रमा २–१ को नतिजासहित इटालीयन क्लब युभेन्ट्सले अन्तिम चारको यात्रा तय गरेको हो ।
खेलको नवौ मिनेटमा एड्रीयन राबोइटले गोल गर्दै युभेन्ट्सलाई सुरुवाती अग्रता दिलाएका थिए ।
यता, २० औं मिनेटमा मार्कुस एडवार्डले गोल गर्दै स्पोर्टिङलाई १–१ को बराबरीमा ल्याए । त्यसपछि खेलमा थप गोल हुन सकेन । यसअघि युभेन्ट्सको मैदानमा भएको खेलमा युभेन्ट्स १–० गोलले विजयी बनेको थियो ।
