काठमाडौं । इन्डियन प्रिमियर लिग(आईपीएल) मा आज बिहिबार दुई खेल हुदैछ ।
आजको पहिलो खेलमा पन्जाब किंग्स र रोयल च्यालेन्जर्स बेंग्लोर भिड्दैछन् । पन्जाबको घरेलु मैदान मोहालीमा हुने खेल नेपाली समयअनुसार बेलुकाको ३:४५ बजेबाट सुरु हुनेछ ।
यस सिजनमा पाँच खेल खेलेको पन्जाब तीनमा जित र दुईमा हारसहित अंकतालिकाको पाँचौ स्थानमा रहेको छ । यस्तै, पाँच मध्ये दुई खेलमा जितेको बेंग्लोर अंकतालिकाको आठौँ स्थानमा रहेको छ ।
पन्जाब र बेंग्लोरबीचको भएको पछिल्लो पाँच खेलमा चार खेलमा पन्जाबले जित निकालेको छ भने एक खेलमा बेंग्लोर विजयी भएको छ।
आज नै हुने दोस्रो खेलमा कोलकत्ता नाईट राईडर्स र दिल्ली क्यापिटल्स भिड्दै छन् ।
दिल्लीको घरेलु मैदान अरुण जेट्ली स्टेडियममा हुने खेल नेपाली समयअनुसार बेलुकाको ७:४५ बजेबाट सुरु हुनेछ।
यस सिजनमा दिल्ली र कोलकत्ताले छैटौं खेल खेल्न लागेका हुन् । पाचौँ खेल खेल्दा कोलकत्ताले दुई खेल जितेको छ भने तीनमा हार बेहोरेको छ । यता, दिल्ली भने पाँच खेलमा पाँचैमा हार बेहोरेर अंकबिहिन छ । अंकतालिकामा कोलकत्ता सातौ स्थानमा छ भने दिल्ली अन्तिममा छ ।
यस सिजनमा जित निकाल्न नसकेपनि दिल्ली र कोलकत्ता बीचको पछिल्लो पाँच खेलमा दिल्ली बलियो देखिएको छ । दिल्लीले तीन खेल जित्दा कोलकत्ताले दुई खेल जितेको छ ।
