काठमाडौँ । नेपालमा कोरोना संक्रमणबाट थप २ जनाको मृत्यु भएको छ ।
मंगलबार स्वास्थ्य मन्त्रालयका अनुसार पछिल्लो २४ घण्टामा थप २ जनाको मृत्यु भएको हो ।
यस्तै मंगलबार १७१ जनामा कोरोना संक्रमण पुष्टि भएको छ । २ हजार २९१ नमुनामध्ये ९८० जनाको पीआर परीक्षण गर्दा १०५ र १ हजार ३१२ जनाको एन्टीजेन परीक्षण गर्दा ६६ जना गरी १७१ जनामा संक्रमण देखिएको मन्त्रालयले जनाएको छ ।
हाल नेपालमा ३९७ सक्रिय संक्रमित छन् । संस्थागत आइशोलेशनमा २२ जना, आईसीयूमा ८ जना र भन्टिलेटरमा ४ जना उपचाररत रहेको मन्त्रालयले जनाएको छ ।
