काठमाडौं ।इन्डियन प्रिमियर लिग(आईपीएल) मा आज आईतबार दुई खेलहरु हुदैछ ।
आज हुने पहिलो खेलमा कोलकत्ता नाईटराईडर्स र मुम्बई इन्डियन्सबीचमा प्रतिस्पर्धा हुदैछ । मुम्बईको घरेलु मैदान वांनखडेमा हुने खेल नेपाली समयअनुसार दिउँसो ३:४५ बाट सुरु हुनेछ ।
चार खेल खेलेको कोलकत्ता दुई खेलमा विजयी भएर अंकतालिकाको पाँचौ स्थानमा रहेको छ । मुम्बईले भने तीन मध्ये एक खेल जितेर तालिकाको पुछारबाट दोस्रो स्थानमा रहेको छ ।
कोलकत्ता र मुम्बईबीच भएको पछिल्लो पाँच खेलमा कोलकत्ताले तीन र मुम्बई दुई खेलमा विजयी भएको छ ।
यस्तै, आज नै हुने दोस्रो खेलमा गुजरात टाईटन्स र राजस्थान रोयल्स खेल्दै छन् । गुजरातको घरेलु मैदान नरेन्द्र मोदी स्टेडियम अहमदाबादमा हुने खेल नेपाली समयअनुसार बेलुका ७:४५ बाट सुरु हुनेछ।
गुजरात र राजस्थान दुवैले यस सिजनको पाँचौ खेल खेल्दैछन्। यी दुईमध्ये एक टोलि आज शीर्ष स्थानमा पुग्नेछन् ।
यी दुई टोलीबीच अहिलेसम्म ३ खेल भएको छ । जसमा तीनै खेल गुजरातले हात पारेको छ ।
