काठमाडौं । इन्डियन प्रिमियर लिग (आईपीएल) अन्तर्गत आज शुक्रबार कोलकत्ता नाइट राईडर्स र सनराईजर्स हैदरावाद भिड्दैछन् । इडेन गार्डेनमा आयोजना हुने खेल नेपाली समय अनुसार साँझ ७:४५ बजेबाट सुरु हुनेछ ।
कोलकत्ता आज तेस्रो जित निकाल्ने योजनामा रहेको छ । कोलकत्ता ३ खेलमा दुईमा जित र एकमा हार सहित ४ अंक जोडेर चौंथो स्थानमा रहेको छ ।
गत सोमबार कोलकत्ताले गुजरातविरुद्ध रोमाञ्चक जित हात पारेको थियो । खेलको अन्तिम ओभरमा रिंकु सिंहले ५ बलमा लगातार ५ छक्का प्रहार गरेका थिए ।
यता, हैदरावाद पनि दोस्रो जित निकाल्न चाहन्छ । हैदरावाद २ अंकसहित तालिकाको नवौं स्थानमा रहेको छ ।
दुई टोलीबीचको पछिल्लो पाँच भेटमा कोलकत्ता बलियो देखिएको छ । कोलकत्ताले ४ जित निकाल्दा हैदरावादले मात्र १ जित निकालेको छ ।
यस सिजनमा भने यि दुई टोलीको पहिलो भेट हो ।
