एजेन्सी । च्याम्पियन्स लिग फुटबल अन्तर्गत एसी मिलानले साँघुरो जित निकालेको छ । गएराति भएको क्वाटरफाइनलको पहिलो लेगमा मिलानले नापोलीलाई १–० गोलले पराजित गरेको हो ।
दुई इटालीयन क्लबबीच भएको रोमाञ्चक भिडन्तमा घरेलु मैदानमा मिलानलाई जित दिलाउन एकमात्र निर्णायक गोल खेलको ४० औं मिनेटमा इस्माइल बेन्नासरले गरे ।
खेलको ७४ औं मिनेटमा एन्ड्री फ्रांक अंगुइसाले रातो कार्ड खाँदै मैदानबाट बाहिरिएपछि नापोली १० खेलाडीमा समेटिएको थियो ।
अब यी दुई टोलीबीचको दोस्रो लेग अप्रिल १९ मा नापोलीको घरेलु मैदानमा हुनेछ । जानकारीका लागि जारी सीरी ए लिगमा २९ खेलबाट ७४ अंकका साथ तालिकाको शीर्षस्थानमा रहँदा मिलान समान खेलबाट ५२ अंकका साथ चौंथो स्थानमा रहेको छ ।
