एजेन्सी । च्याम्पियन्स लिग फुटबल अन्तर्गत इंग्लिस क्लब म्यान्चेस्टर सिटीले सहज जित निकालेको छ । क्वाटरफाइनलको पहिलो लेगमा सिटीले जर्मन महारथी बायर्न म्युनिखलाई ३–० गोलले पराजित गरेको हो ।
घरेलु मैदानमा सिटीलाई जित दिलाउन रोड्री, बर्नार्डो सिल्भा र एर्लिङ हालाण्डले एक–एक गोल गरे । खेलको २७ औं मिनेटमा रोड्रीले गोल गर्दै सिटीलाई सुरुवाती अग्रता दिलाएका थिए ।
७० औं मिनेटमा सिल्भाले गोल गर्दै सिटीको अग्रता दोब्बर पारे । यस्तै ७६ औं मिनेटमा हालाण्डले गोल गर्दै सिटीलाई सहज जित दिलाए ।
अब यी दुई टोलीबीचको दोस्रो लेगको खेल अप्रिल २० मा बायर्नको घरेलु मैदानमा हुनेछ ।
