एजेन्सी । रोयल च्यालेन्जर्स बैंगलोरका कप्तान फाफ डु प्लेसिसलाई लखनउ सुपरजाइन्ट्सविरुद्धको खेलमा स्लो ओभर रेट गरेको भन्दै १२ लाख भारु जरिवाना गरिएको छ । यो सिजन आईपीएलको आचार संहिताको आरसीबीले पहिलो पटक उल्लंघन गरेको हो ।
लखनऊ सुपरजाइन्ट्सका आवेश खानलाई पनि आचारसंहिता उल्लङ्घन गरेकोमा चेतावनी दिइएको थियो । तर उनले आफ्नो गल्ती स्वीकार गरे ।
ओभर रेट भनेको बलिङ पक्षले एक घण्टामा गरेको ओभरको औसत संख्या हो । आईसीसीको नियमअनुसार एकदिवसीय र टी–२० खेलमा एक घण्टामा १४.१ ओभर र टेस्टमा १४.२ ओभर बलिङ गर्नुपर्छ । एकदिवसीयमा, बलिङ पक्षलाई ५० ओभर बलिङ गर्न कुल ३.५ घण्टा दिइएको छ । त्यसैगरी, टी–२० खेलमा टोलीले एक घण्टा २५ मिनेटमा इनिङ्स पूरा गर्नुपर्ने हुन्छ ।
तर, कुनै कारण खेल लम्बिने अवस्थामा अर्थात् चोटपटक, डएआरएस समीक्षा, बल हरायो वा कुनै अप्रत्याशित घटनाको कारणले गर्दा खेल ढिलो वा अवरोध हुने अवस्थामा इनिङ्सको लागि अन्तिम समय पुनः हेरफेर गरिनेछ भने म्याच अधिकारीहरूद्वारा फिल्डिङ टोली र ब्याटर्सलाई सूचित गरिनेछ ।
यो पनिः पुरनले १९ बलमा ६२ रन जोडेपछि लखनउको बैंगलोरविरुद्ध रोमाञ्चक जित
