एजेन्सी । १६ औं संस्करणको इन्डियन प्रिमियर लिग (आईपीएल) अन्तर्गत आज आईतबार दुई खेलहरु हुँदैछन् । पहिलो खेल गुजरात टाइटन्स (जीटी) र कोलकाता नाइट राइडर्स (केकेआर) बीच अहमदाबादमा हुनेछ । खेल नरेन्द्र मोदी रंगशालामा दिउँसो ३ः४५ बजे सुरु हुनेछ ।
यस्तै, दोस्रो खेल सनराइजर्स हैदरावाद (एसआरएच) र पञ्जाव किंग्स (पिबीकेएस)बीच प्रतिस्पर्धा हुँदैछ । हैदरावाद र पञ्जावबीचको खेल हैदरावादस्थित राजिव गान्धी अन्तर्राष्ट्रिय क्रिकेट मैदानमा साँझ ७ः४५ बजे सुरु हुनेछ ।
गुजरात र कोलकाता
यो सिजन गुजरात टाइटन्सको तेस्रो खेल हुनेछ । टोलीले सुरुवाती दुवै खेल जितेको थियो । टाइटन्सले पहिलो खेलमा चेन्नई सुपर किंग्सलाई र दोस्रो खेलमा दिल्ली क्यापिटल्सलाई पराजित गरेको हो । दुवै खेल गुजरातले लक्ष्य पछ्याएर जितेको थियो ।
कोलकाताविरुद्धको टोलीका ४ विदेशी खेलाडीमा राशिद खान, डेभिड मिलर, जेसुवा लिटिल र अल्जारी जोसेफ हुन सक्छन् । यी बाहेक हार्दिक पाण्ड्या, शुभमन गिल र राहुल तेवाटियाले पनि टोलीलाई बलियो बनाइरहेका छन् ।
अर्कोतर्फ कोलकाता नाइट राइडर्सको पनि जारी सिजनमा यो तेस्रो खेल हो । टोलीले एक खेलमा हार र अर्को खेल जितको नतिजा निकालेको छ । पहिलो खेलमा पञ्जावसँग केकेआर ७ रनले पराजित भएको थियो । दोस्रो खेलमा उसले बैंगलोरलाई ८१ रनले पराजित गर्यो ।
गुजरातविरुद्धको टोलीका ४ विदेशी खेलाडीमा रहमानउल्लाह गुरबाज, आन्द्रे रसेल, सुनिल नारायण र टिम साउथी हुन सक्छन् । यिनीहरू बाहेक नितिश राणा, रिंकु सिंह र वरुण चक्रवर्तीले पनि टोलीलाई बलियो बनाइरहेका छन् । योसँगै जेसन रोय पनि कोलकाता क्याम्पमा सामेल भएका छन् ।
दुबै टिमका सम्भावित सुरुवाती–११
गुजरात टाइटन्सः हार्दिक पाण्ड्या (कप्तान), शुभमन गिल, ऋद्धिमान साहा (विकेटकिपर), साई सुदर्शन, राहुल तेवाटिया, डेभिड मिलर, मोहम्मद शमी, राशिद खान, जेशुआ लिटल, यश दयाल र अल्जारी जोसेफ ।
कोलकाता नाइट राइडर्सः नितिश राना (कप्तान), रहमानउल्लाह गुरबाज (विकेटकिपर), भेंकटेश अय्यर, मनदीप सिंह, रिंकु सिंह, आन्द्रे रसेल, शार्दुल ठाकुर, सुनील नारायण, टिम साउथी, उमेश यादव र वरुण चक्रवर्ती ।
पञ्जाव र हैदराबाद
प्रतियोगितामा हैदरावादले अहिलेसम्म दुवै खेलमा हार बेहोरेको छ भने पञ्जाबले दुवै खेल जितेको छ ।
शिखर धवनको कप्तानीमा रहेको पञ्जाब किंग्सले प्रतियोगितामा पहिलो २ खेल जितेर सबैलाई चकित बनाएको छ । कोलकाता नाइट राइडर्सलाई ७ रनले पराजित गरेपछि टोलीले रोमाञ्चक भिडन्तमा राजस्थान रोयल्सलाई ५ रनले पराजित गरेको हो ।
हैदरावादविरुद्धको टोलीका ४ विदेशी खेलाडीमा म्याथ्यु शर्ट, कागिसो रबाडा, साम करन र नाथन एलिस हुन सक्छन् । यी बाहेक कप्तान शिखर धवन, प्रभसिमरन सिंह र राहुल चाहरले पनि टोलीलाई बलियो बनाइरहेका छन् । भानुका राजपाक्षे चोटका कारण खेल गुमाउन सक्नेछन्, यस्तो अवस्थामा शर्टले मौका पाउनेछन् । रबाडा पुनरागमन गर्दैछन्, उनले सिकन्दर रजाको स्थान लिन सक्छन् ।
स्टार खेलाडीले सजिएको सनराइजर्स हैदरावाद प्रतियोगिताका २ खेलमा लज्जास्पद हार बेहोरेको छ । पहिलो खेलमा राजस्थान रोयल्ससँग ७२ रनको हार व्यहोरेको टोली लखनउ सुपरजाइन्ट्ससँग ५ विकेटले पराजित भएको थियो । अहिलेसम्म कुनै पनि खेलाडीले टोलीका लागि विशेष केही गर्न सकेका छैनन् ।
घरेलु खेलमा टोलीका ४ विदेशी खेलाडीमा ह्यारी ब्रुक, एडेन मार्कराम, आदिल राशिद र फजलहक फारुकी हुन सक्छन् । यी बाहेक मयंक अग्रवाल, वासिङ्टन सुन्दर, अब्दुल समद र भुवनेश्वर कुमारले पनि टोलीलाई बलियो बनाइरहेका छन् ।
दुबै टिमका सम्भावित सुरुवाती–११
सनराइजर्स हैदरावादः एडेन मार्कराम (कप्तान), मयंक अग्रवाल, अनमोलप्रीत सिंह (विकेटकिपर), राहुल त्रिपाठी, ह्यारी ब्रुक, वाशिंगटन सुन्दर, फजलहक फारुकी, भुवनेश्वर कुमार, थांगारासु नटराजन, उमरान मलिक, आदिल रशिद ।
पञ्जाब किंग्सः शिखर धवन (कप्तान), प्रभसिमरन सिंह, म्याथ्यू शर्टरभानुका राजपाक्षे, जितेश शर्मा (विकेटकीपर), सिकन्दर रजा, साम करण, शाहरुख खान, नाथन एलिसरकागिसो रबाडा, हरप्रीत ब्रार, राहुल चाहर र अर्शदीप सिंह ।
अंकतालिकाः
