एजेन्सी । इंग्लिस प्रिमियर लिग अन्तर्गत म्यान्चेस्टर सिटीले सहज जित निकालेको छ । शनिबार राति सम्पन्न खेलमा सिटीले साउथह्याम्प्टनलाई उसकै मैदानमा ४–१ गोलले पराजित गरेको हो ।
सिटीलाई फराकिलो जित दिलाउन एर्लिङ हालाण्डले दुई तथा ज्याक ग्रिलिस र युलियन अल्भारेजले एक–एक गोल गरे । साउथह्याम्प्टनका सेकोउ माराले एक गोल फर्काए ।
जितसँगै सिटीले शीर्षस्थानको आर्सनलसँग अंक दुरी घटाएको छ । २९ खेलबाट सिटी ६७ अंकसहित तालिकाको दोस्रो स्थानमा छ । आर्सनलको समान खेलबाट ७२ अंक छ । पराजित साउथह्याम्प्टन ३० खेलबाट २३ अंकका साथ पुछारमा छ ।
