काठमाडौं । चैत ५ गते स्वतन्त्र विद्यार्थी युनियनको निर्वाचन हुन नसकेका क्याम्पसहरूमा चैत ३० गते एकैसाथ हुने भएको छ । संयुक्त विद्यार्थी संगठहरुबीच चैत ३० मा स्थगित क्याम्पसहरूमा एकैसाथ निर्वाचन गर्ने सहमति भएको हो ।
संयुक्त विद्यार्थी संगठनका तर्फबाट जारी विज्ञप्तिमा निर्वाचन बिथोलिने गतिविधि नगर्ने र निर्वाचन भाँड्ने गरी कुनै पक्षबाट तालाबन्दी गरिए प्रशासनको सहयोगमा ताला ताडेर प्रक्रिया अगाडि बढाउने हस्ताक्षरसहितको समझदारी भएको छ ।
विज्ञप्तिमा नेपाल विद्यार्थी संघका अध्यक्ष दुजाङ शेर्पा, अनेरास्ववियुका अध्यक्ष समिक बडाल, अनेरास्ववियु क्रान्तिकारीका अध्यक्ष पञ्चा सिंह र अनेरास्ववियूका अध्यक्ष सुदेश पराजुलीले हस्ताक्षर गरेका छन् ।
विज्ञप्तिमा विद्यार्थी भर्ना विवादले रोकिएका क्याम्पसहरूमा विवादित विषयमाथि छानबिन गरी प्रक्रिया अगाडि बढाउन माग गरिएको छ ।
