एजेन्सी । कोलकाता नाइट राइडर्स (केकेआर)ले इंग्ल्याण्डका जेसन रोयलाई टोलीमा समावेश गरेको छ । केकेआरले आईपीएल २०२३ का लागि २.८ करोडमा जेसन रोयलाई अनुबन्ध गरेको हो ।
केकेआरका श्रेयस अय्यर प्रतियोगिताबाट बाहिरिएका छन् भने बंगलादेशका अलराउन्डर शकिब अल हसनले सिजनका लागि उपलब्ध नहुने पुष्टि गरेका छन् ।
शकिबका अनुसार उनले बंगलादेशका लागि आयरल्यान्डविरुद्धको टेस्ट खेल्न बाँकी छ । त्यसपछि व्यक्तिगत कारणले उनले यस वर्षको प्रतियोगितामा सहभागी नहुने बताए । अर्कोतर्फ केकेआर र बंगलादेश टोलीका खेलाडी लिटन दास पनि आयरल्याण्डविरुद्धको टेष्ट खेलपछि मात्र केकेआरको क्याम्पमा सामेल हुनेछन् ।
जेसन रोयले यसअघि २०१७ र २०१८ सिजनमा आईपीएल खेलेका थिए । अन्तिम पटक सन् २०२१ सिजनमा सनराइजर्स हैदरावादबाट उनले खेलेका थिए । उक्त सिजन उनले पाँच खेल खेलेर अर्धशतक सहित १५० रन बनाएका थिए । ३२ वर्षिय खेलाडीले इङ्ल्यान्डका लागि ६४ टी–२० खेलेका छन्, जसमा ८ अर्धशतक सहित १३७.६१ को स्ट्राइक रेटमा १५२२ रन बनाएका छन् ।
