![](https://newspolar.com/wp-content/uploads/2023/04/338307539_942003193623369_4362482630851537424_n-768x432-1.jpg)
काठमाडौं । बङ्गलादेशको राजधानी ढाकास्थित बङाबजारमा भीषण आगलागी भएको छ। लत्ताकपडा बजारको रूपमा परिचित बङाबजारमा मंगलबार बिहान ६ बजेतिर लागेको आगो नियन्त्रणको प्रयास जारी छ ।
अग्नि रक्षकका ७४ टुकडीले आगो नियन्त्रणमा लिने प्रयास गरेकोमा पानीको कमी लगायतका कारण नियन्त्रणमा लिन कठिनाइ भइरहेको बङ्गलादेशका मिडियाहरूले उल्लेख गरेका छन् ।
आगलागीको कारण अहिलेसम्म पत्ता लागेको छैन। आगो तीव्ररुपमा फैलिएकाले मानिसको हताहती भए/नभएको पनि यकीन छैन ।