एजेन्सी । इंग्लिस प्रिमियर लिग फुटबल अन्तर्गत न्युक्यासल युनाइटेडले जित निकालेको छ । आइतबार राति सम्पन्न खेलमा न्युक्यासलले म्यान्चेस्टर युनाइटेडलाई २–० गोलले पराजित गरेको हो ।
न्युक्यासललाई घरेलु मैदानमा जित दिलाउन खेलको ६५ औं मिनेटमा जोए विल्लोकले तथा ८८ औं मिनेटमा कालुम विल्सनले गोल गरे ।
जितसँगै न्युक्यासल तालिकाको तेस्रो स्थानमा उक्लिएको छ । उसको २७ खेलबाट ५० अंक छ । समान खेलबाट समान अंक रहेपनि गोल डिफरेन्सको आधारमा म्यान्चेस्टर युनाइटेड चौंथो स्थानमा झरेको छ ।
