काठमाडौँ । प्रधानमन्त्री पुष्पकमल दाहाल प्रचण्डले शिक्षण अस्पताल महाराजगञ्जमा उपचाररत राष्ट्रपति रामचन्द्र पौडेलको स्वास्थ्य लाभको कामना गर्नुभएको छ ।
पेटमा समस्या भएपछि शनिबार अस्पताल भर्ना हुनभएका राष्ट्रपति पौडेललाई अस्पतालमै भेटी प्रधानमन्त्री प्रचण्डले स्वास्थ्यलाभको कामना गर्नुभएको हो ।
त्यसैगरी नेपाली कांग्रेसका सभापति शेरबहादुर देउवा, उपप्रधानमन्त्री एवं गृहमन्त्री पूर्णबहादुर खड्का, सांसद सुरेन्द्र आचार्य, पूर्वसभामुख तारानाथ रानाभाटले पनि राष्ट्रपति पौडेललाई भेटी उहाँको स्वास्थ्यलाभको कामना गर्नुभएको छ ।
यसैबीच राष्ट्रपति पौडेलको स्वास्थ्य अवस्था सुधारोन्मुख रहेको अस्पतालले जनाएको छ ।
