काठमाडौँ। नेकपा (एमाले) का अध्यक्ष केपी शर्मा ओलीले सत्ताका लागि प्रधानमन्त्रीले विदेशीको तावेदारी गरेको आरोप लगाउनुभएको छ ।
रिपोर्टर्स क्बलले आयोजना गरेको कार्यक्रममा अध्यक्ष ओलीले भन्नुभयो, “हाम्रो भूमि खुम्चँदो छ, राष्ट्रिय स्वाधीनता कमजोर भएको छ । यस्तो कुरामा प्रधानमन्त्रीले बोलको कतै सुनिँदैन ।”
उहाँले भन्नुभयो, “प्रधानमन्त्री विदेश जाँदै हुनुहुन्छ भन्ने सुनेको छु, यस्तो भ्रमण आफनो अधिकारको दाबेदारी कि तावेदारीका लागि हुँदैछ । यस्ता कुरामा प्रधानमन्त्री यहाँ त बोल्न सक्नु हुन्न उता गएर के बोल्नु हुन्छ ?”
अहिले विभिन्न पार्टपुर्जा जोडेर अप्राकृतिक ढंगले १० दलीय कृत्रिम सरकार बनाइएको छ भन्दै अध्यक्ष ओलीले भन्नुभयो, “न सिद्धान्त मिल्छ, न नीति मिल्छ । सरकारको गन्तव्य स्पष्ट छैन । अवसरको फाइदा लिएर हाडा छालामात्र रहेको देशबाट सिरिन्ज घुसारेर रगत लिने प्रयास भइरहेको छ ।”
यसले मलुकललाई झन ओरालो लगाउने भन्दै उहाँले जनतालाई भ्रममा पर्न नदिन, देश र जनताको हितमा प्रयोग गर्न सञ्चारमाध्यमले प्रभावकारी भूमिका खेल्नुपर्ने बताउनुभयो ।
उहाँले भन्नुभयो, “सञ्चारमाध्यमले आफ्नो भूमिकालाई देश र जनताको पक्षमा, कानूनी राजको पक्षमा, सुशासन, भ्रष्टाचार नियन्त्रणका पक्षमा लैजानुपर्छ ।”
