काठमाडौँ । लोकतान्त्रिक समाजवादी पार्टी (लोसपा) का नेता राजेन्द्र महतो बारा–२ मा प्रतिनिधिसभा सदस्यको उपनिर्वाचनमा लड्ने लड्ने हुनुभएको छ ।
गत मंसिर ४ गते भएको प्रतिनिधिसभा सदस्य निर्वाचनमा सर्लाही–२ मा पराजित महतोलाई लोसपाले बारा–२ मा उम्मेदवार बनाउने निर्णय गरेको बताइएको छ ।
२०७४ सालको प्रतिनिधिसभा सदस्य निर्वाचनमा धनुषा–३ बाट निर्वाचित महतो गत मंसिर ४ गतेको निर्वाचनमा उक्त निर्वाचन क्षेत्र छाडेर सर्लाही–२ बाट उम्मेदवार बन्नुभएको थियो । उहाँलाई नेकपा ९माओवादी केन्द्र० को निर्वाचन चिह्न लिएर उम्मेदवार बन्नुभएका नेपाल समाजवादी पार्टीका अध्यक्ष महिन्द्रराय यादवले २ हजार ११ मत अन्तरले पराजित गर्नुभएको थियो ।
बारा–२ बाट निर्वाचित जनता समाजवादी पार्टी जसपाका सांसद रामसहाय प्रसाद यादव उपराष्ट्रपति बनेपछि यहाँ १० वैशाखमा उपचुनाव हुँदैछ ।
जनता समाजवादी पार्टी ९जसपा० ले बारा–२ बाट अध्यक्ष उपेन्द्र यादवलाई उठाउने तयारी गरिरहेको छ । यादवलाई नेपाली कांग्रेसले सघाउने निर्णय गरिसकेको छ ।
यादव गत चुनावमा सप्तरी–२ मा जनमत पार्टीका अध्यक्ष सिके राउतसँग पराजित हुनुनभएको थियो ।
जनमत पार्टीका अध्यक्ष राउतले बारा–२ बाट उम्मेदवार बनाउन भन्दै नेकपा ९माओवादी केन्द्र० का शिवचन्द्र कुशवाहलाई पार्टी प्रवेश गराइसक्नुभएको छ ।
४ मंसिरको चुनावमा रामसहायले १३ हजार ८२२ मत ल्याएर चुनाव जित्दा तत्कालीन माओवादीका उम्मेदवार भएका कुशवाह ३५४ मतान्तरले पराजित हुनुभएको थियो ।
