काठमाडौँ । लोकतान्त्रिक समाजवादी पार्टी (लोसपा) का नेता एवं सांसद शरतसिंह भण्डारी मन्त्री बन्ने हुनुभएको छ । उहाँ श्रम, रोजगार तथा सामाजिक सुरक्षा मन्त्री बन्ने हुनुभएको हो । सत्ता साझेदार दलहरुबीच भएको भागबन्डामा लोसपाले उक्त मन्त्रालयल पाएको छ । लोसपाले भण्डारीलाई सरकारमा पठाउने भएको हो ।
बिहीबार बिहान प्रधानमन्त्री निवास बालुवाटारमा बसेको सत्ता साझेदार दलका शीर्ष नेताहरुको बसेको बैठकमा लोसपालाई श्रम, रोजगार तथा सामाजिक सुरक्षा मन्त्रालय दिने सहमति भएको थियो ।
भण्डारी गत मंसिर ४ गते भएको प्रतिनिधिसभा सदस्य निर्वाचनमा महोत्तरी निर्वाचन क्षेत्र नं २ बाट निर्वाचित हुनुभएको हो । पञ्चायतकालमा पनि मन्त्री बनिसक्नुभएका भण्डारी १६औँ पटक मन्त्री बन्दै हुनुहुन्छ ।
