काठमाडौँ । राप्रपा नेपालले सनातन धर्म संस्कृतिका पक्षधरलाई संयुक्त र एकतावद्ध संघर्षको तयारीमा जुट्न आह्वान गरेको छ ।
सनातन धर्म संस्कृति र परम्पराको रक्षाका निम्ति संघर्षमा उत्रनु वाहेक अर्को विकल्प नरहेको भन्दै राप्रपा नेपालले सनातन धर्म संस्कृतिका पक्षधर धार्मिक संस्था, स्वामी, गुरु, पण्डित, पुरोहित र आमजनतालाई एकतावद्ध संघर्षको तयारीमा जुट्न आह्वान गरेको हो ।
सो पार्टीका अध्यक्ष कमल थापाले एक वक्तव्य जारी गर्दै २०७८ सालमा भएको पछिल्लो जनगणनामा हिन्दु, बौद्ध र किराँत धर्मावलम्बीहरुको संख्या निकै घटेको भन्दै सत्यतथ्य सार्वजनिक गर्न सरकारसँग माग समेत गर्नुभएको छ ।
‘२०७८ सालमा भएको पछिल्लो जनगणनामा हिन्दु, बौद्ध र किराँत धर्मावलम्बीहरुको संख्या निकै घटेको हल्ला छ सत्यतथ्य सार्वजनिक गर्न सरकारसँग माग गर्दछु ।’ विज्ञप्तीमा भनिएको छ ।
धर्मनिरपेक्षताको आडमा धर्मपरिवर्तन गर्न गराउन पश्चीमा मुलुकहरूले करोडौं डलर लगानी गरिरहेको भन्दै केही प्रमुख दलहरुले धर्मपरिवर्तनलाई संरक्षण प्रदान गरिरहेको आरोप समेत राप्रपा नेपालले लगाएको छ ।
