एजेन्सी । युरो छनोट अन्तर्गत स्कटल्याण्डले जित निकालेको छ । मंगलबार राति भएको खेलमा स्कटल्याण्डले स्पेनलाई २–० गोलले पराजित गरेको हो ।
घरेलु टोलीलाई जित दिलाउन दुबै गोल स्कट टोमिनेले गरे । उनले खेलको ७ औं र ५१ औं मिनेटमा गोल गरेका हुन् । खेलमा पोसेसन र दबदबा बनाएपनि स्पेनले जित निकाल्न भने सकेन ।
स्कटल्याण्डको यो लगातार दोस्रो जित हो । समूह ‘ए’ मा स्कटल्याण्ड दुई खेलबाट ६ अंकसहित शीर्षस्थानमा रहेको छ । स्पेन ३ अंकका साथ दोस्रो स्थानमा छ ।
