काठमाडौँ । बङ्गलादेशमा जारी साफ यू–१७ महिला च्याम्पियनसिप फुटबल प्रतियोगिताको चौथो तथा अन्तिम खेलमा नेपाल आयोजक बङ्गलादेशसँग बराबरीमा रोकिएको छ ।
ढाकामा मंगलबार भएको खेलमा नेपालले बङ्गलादेशसँग १–१ गोलको बराबरी खेलेको हो । नेपालले सुरुवाती अग्रता लिएपनि जोगाउन नसक्दा बराबरीमा चित्त बुझायो ।
नेपालका लागि आठौँ मिनेटमा सेनु परियारले गोल गरेकी थिइन् । तर बङ्गलादेशकी सागोरिकाले ७५औँ मिनेटमा बराबरी गोल फर्काइन् । यससँगै नेपालले चार खेलबाट चार अङ्क बनाएको छ ।
नेपाल यसअघिनै प्रतियोगिताबाट बाहिरिएको थियो ।
