काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले प्रधानमन्त्री पुष्पकमल दाहाल प्रचण्डले गाडी फेरिरहनुभएको बताउनुभएको छ ।
सोमबार प्रतिनिधिसभा बैठकमा प्रधानमन्त्री प्रचण्डले विश्वासको मत मागेपछिको छलफलमा बोल्दै लिङ्देनले गाउँघरमा पनि गाडी फेरिरहने ड्राइभर भेटिने बताउनुभयो ।
धेरै गाडी फेरिरहने ड्राइभर, गाडी फेरिहने अनुभवले गाडी दिन योग्य हुन्छ कि भन्ने लाग्छ भन्दै उहाँले भन्नुभयो, “गाडी फेरिरहने ड्राइभरले तपाईंहरुको गाडी चलाउँछु भनेपछि हाइड्रोजन गाडी दिएको तर गडी स्टार्ट नहुँदै म पुरानै गाडी चलाउँछु भनेपछि हामीले के गर्ने ?”
अध्यक्ष लिङ्देनले आफूहरुसँग गाडी रहेको र चलाउने सीप रहेको तर लाइसेन्स नभएको उल्लेख गर्नुभयो । प्रधानमन्त्री प्रचण्डले बाटो फेरेपछि आफूहरुले इमान्दारीपूर्वक सरकारलाई दिएको समर्थन फिर्ता लिएको बताउनुभयो ।
यस्तो अवस्थामा प्रधानमन्त्रीलाई विश्वासको मत प्राप्त गर्न राप्रपाको सहयोग चाहिन्छ भन्ने आफूलाई लागेको उहाँको भनाइ थियो ।
