काठमाडौँ । नेकपा (माओवादी केन्द्र) का सचिव देवेन्द्र पौडेलले (नेकपा) एमाले अध्यक्ष केपी शर्मा ओलीले संसद् विघटनलाई बहादुरी ठानेपछि आफूहरुले राजनीतिक समीकरण फेरेको बताउनुभएको छ ।
प्रतिनिधिसभाको बैठकमा प्रधानमन्त्री पुष्पकमल दाहाल प्रचण्डले विश्वासको मत प्रस्ताव पेस गरेपछि उहाँले इतिहासको सम्मान गर्दै गल्ती सच्याएर अघि बढ्नुपर्ने भएकाले समीकरण फेरेको बताउनुभयो ।
दुईदुई पटक संसद् विघटन गर्न पाइने कुरा संविधानको कुन धाराअनुसार गरियो भन्दै उहाँले सर्वोच्च अदालतबाट करेक्सन गरेको विषयलाई बहादुरी ठान्दा आफूहरुले समीकरण फेरेको बताउनुभयो ।
