काठमाडौँ । नवनिर्वाचित राष्ट्रपति रामचन्द्र पौडेलको फोटोमा देखिएको त्रुटि सच्याइएको छ । राष्ट्रपतिको फोटोलाई सम्पादन गरेर वेबसाइटमा राखिएकोमा आलोचना भएपछि शीतल निवासले फोटोमा देखिएको त्रुटि सच्याएको हो ।
राष्ट्रपति कार्यालयले पौडेलको शपथलगत्तै हुलिया बिगारिएको तस्बिर अपलोड गरेको थियो । देशभरका सरकारी कार्यालयमा रहने उक्त फोटोको हुलिया बिग्रने गरी अनावश्यक रुपमा सम्पादन गर्ने काम भएको भन्दै आलोचना भएकामा शीतल निवासले दुई दिनपछि फोटो सच्याएको हो ।
यसअघिको फोटोमा पौडेलको अनुहारको पहिचान दिने कोठीलगायतलाई अनावश्यक रुपमा सम्पादन गरेको हटाइएको थियो भने छालाको रङ्गलाई पनि अनावश्यक सम्पादन गरिएको थियो ।
पछिल्लो तस्बिरमा राष्ट्रपति पौडेलका दुवै गालाको कोठी देख्न सकिन्छ । कार्यालयले आफ्नो वेबसाइटमा त्रुटिवश तस्बिर राखिएको जनाएको छ ।
