काठमाडौं । नेपाली कांग्रेसका महामन्त्री विश्वप्रकाश शर्माले अबको पाँच वर्षसम्म यही गठबन्धन चल्ने बताएका छन् ।
नेपाल ट्रेड युनियन कांग्रेसले मंगलबार काठमाडौंमा आयोजना गरेको कार्यक्रममा शर्माले पाँच वर्षसम्म संसदलाई विघटित नहुने गरी एकीकृत सोचका साथ अघि बढ्नुपर्ने बताएका हुन् ।
महामन्त्री शर्माले मुलुकको स्थिरताबाट नै देशको विकास र जनताको अपेक्षा पुरा हुने बताए । बाहिर हल्ला चलेजस्तो मुलुकको आर्थिक अवस्था धेरै नराम्रो नरहेको उनले बताए । उनले राज्यले राजनीतिप्रतिको वितृष्णा, अर्थतन्त्रका समस्या, व्यवसायीको पीडालगायत समस्या देखिएको भन्दै यी नकारात्मक संकेतहलाई उचित सम्बोधन गर्नुपर्नेमा जोड दिए ।
