काठमाडौं । शुक्रबार नेपाली सुनचाँदी बजारमा सुनको मूल्य बढेको छ ।
आज छापावाल सुनको मूल्य प्रतितोला ८ सय रूपैयाँले बढेर १ लाख १ हजार ८ सय रूपैयाँ कायम भएको नेपाल सुनचाँदी व्यवसायी महासंघले जानकारी दिएको छ । बिहीवार उक्त सुन प्रतितोला १ लाख १ हजार रूपैयाँमा कारोबार भएको थियो ।
यस्तै, आज तेजाबी सुन प्रतितोला १ लाख १ हजार ३ सय रूपैयाँमा कारोबार भईरहेको महासंघले जनाएको छ ।
आज चाँदीको मूल्य भने स्थिर रहेको छ । आज चाँदी बिहीवार कै मूल्य प्रतितोला १ हजार २ सय २० रूपैयाँमा कारोबार भईरहेको छ ।
