काठमाडौं । आईसीसी विश्वकप लिग टू अन्तर्गतको त्रिकोणात्मक सिरिजमा पीएनजीविरुद्ध आसिफ शेखले शानदार शतक बनाएका छन् ।
आसिफले १०१ बलमा २ छक्का र १० चौकाको सहयोगमा आफ्नो शतक पूरा गरेका हुन् ।
यससँगै, आसिफले आजको खेलमा एकदिवसीय अन्तराष्ट्रियमा १ हजार रन पुर्याएका छन् । एकदिवसीय अन्तराष्ट्रियमा १ हजार रन पूरा गर्ने आसिफ दोस्रो नेपाली खेलाडी हुन् ।
सेप्टेम्बर ७, २०२१ मा नेपालका लागि डेब्यु गरेका आसिफले ३२ एकदिवसीय अन्तराष्ट्रियमा ८ अर्धशतक प्रहार गरेका छन् ।
