काठमाडौँ । अभिनेत्री निशा अधिकारीले श्रीमान शरद भेषावकरविरुद्ध अंश मुद्दा हालेको खबरकाबीच आफूहरूको सम्बन्ध ठीकठाक चलिरहेको बताएकी छन् ।
सामाजिक सञ्जाल फेसबुकमा एक स्टाटस लेख्दै निशाले आफूहरूबीचको सम्बन्धमा माया, सम्मान र करुणा रहेको उल्लेख गरेकी छन् ।
श्रीमानविरुद्ध अंश मुद्दा हाल्नुको कारण नखुलाएकी अधिकारीले बरु यो आफूहरूको निजी मामिला रहेको बताएकी छन् ।
सबैले नक्कल गर्न नसकिने विभिन्न व्यक्तिका अनुभवहरूप्रति हामी कत्तिको दयालु र स्वीकार्य छौँ भनेर गहन रूपमा सोच्न जरुरी रहेको उनको भनाई छ ।
अधिकारीले काठमाडौं जिल्ला अदालतमा दायर गरेको अंश मुद्दामा अदालतले सम्पत्तिको फाँटबारी गर्न आदेश दिइसकेको छ । अधिकारीले नाबालक छोरालाई समेत अंश भाग लगाउनुपर्ने माग गरेकी छन् । क्रिकेटर भेषवाकरले भने यसबारे कुनै टिप्पणी सार्वजनिक गरेका छैनन् ।
अधिकारी र भेषावकरले २०७४ मा विवाह गरेका थिए । २०७५ मा निशाले अमेरिकामा छोरालाई जन्म दिएकी थिइन् ।
