काठमाडौँ । आइसिसी यू–१९ विश्वकप एसिया छनोटमा नेपालले युएईलाई विश्वकपमा पुग्न १ सय ९२ रनको मध्यम लक्ष्य दिएको छ ।
आजमान रहेको इडेन गार्डेन ओभलमा टस हारेर पहिला ब्याटिङ गरेको नेपाल ४८। ५ ओभरमा १ सय ९१ रन बनाउँदै अल आउट भयो ।
नेपालका कप्तान देव खनालले ८४ बलमा ३ चौका र १ छक्कासहित सर्वाधिक ५१ रनको अर्धशतकिय इनिङ खेले । देव बाहेक नेपालका अन्य ब्याटरले राम्रो प्रदर्शन गर्न सकेनन् । विशाल विक्रम केसीले ५० बलमा ३८ रन बनाउदा उत्तम थापा ३६ रन बनाएर आउट भए । दिपेश कँडेलले १५ तथा हेमन्त धामीले १३ रन जोड्दा अन्य ब्याटरले दोहोरो अंकमा रन बनाउन सकेनन् ।
यूएईका लागि धुव्र पराशरले ३ विकेट लिए । यस्तै, हरिस शेठ्ठी, र आयान खानले समान २/२ विकेट लिए भने हर्शित शेठ र अम्मर बदामीले समान १/१ विकेट लिए ।
नेपालले यस खेलमा यूएईलाई हराए आगमी वर्ष श्रीलंकामा हुने यू–१९ विश्वकप खेल्न पाउनेछ ।
