एजेन्सी । बलिउड दिग्गज अभिनेताद्वय अमिताभ बच्चन, धर्मेन्द्र तथा व्यवसायी मुकेश अम्बानीको घरमा बम राख्ने धम्की आएको छ ।
मंगलबार, एक अज्ञात व्यक्तिले नागपुर पुलिस कन्ट्रोल रुममा फोन गरी तीन जनाको घर उडाउने धम्की दिएका हुन् । उक्त व्यक्तिले फोनमा मुम्बईको दादरमा २५ हतियारधारी मानिस आइपुगेको जसले आतंकवादी घटना गराउने दाबी गरेका छन् ।
टाइम्स अफ इन्डियासँगको कुराकानीका क्रममा मुम्बई प्रहरीले भने, ‘फोन आउनेबित्तिकै हामीले बम स्क्वाड टोलीलाई सेलिब्रेटीको घरमा छानबिन गर्न पठायौं । तर, यो अवधिमा हामीले केही पाएनौँ ।’ यसैबीच मुम्बई प्रहरीले अमिताभ र धर्मेन्द्रको घरको सुरक्षा बढाएको छ ।
