काठमाडौँ । नेपालले आइसिसी यू–१९ विश्वकप एसिया क्षेत्र छनोटमा नेपालले मलेसियाबिरुद्ध फिल्डिङ गर्ने भएको छ । युएईस्थित मलेक क्रिकेट ग्राउन्ड २ मा भएको टसमा मलेसियाले टस जितेर पहिला ब्याटिङ गर्ने भएपछि नेपालले फिल्डिङ गर्ने भएको हो ।
नेपालले पहिलो खेलमा सिंगापुरलाई ९६ रन, कुवेतलाई २ सय ४३ रन र हङकङलाई ९ विकेटले हराएको थियो । आजको खेलमा मलेसियालाई हराएर नेपाल लगातार चौथो जित निकाल्न चाहन्छ ।
नेपाल ३ खेलमा ६ अंकका साथ दोस्रो स्थानमा रहेको छ भने युएई ३ खेलमा ६ अंकका साथ शीर्ष स्थानमा छ ।
प्रतियोगितामा नेपालसहित सिंगापुर,कुबेत,हङकङ,मलेसिया र आयोजक यूएईको सहभागीता रहेको छ । राउण्ड रोबिनका आधारमा हुने प्रतियोगिताको शीर्ष टोली २०२४ मा श्रीलंकामा हुने यू–१९ विश्वकपका लागि छनोट हुनेछ।
