काठमाडौं । आईसीसी यू–१९ पुरुष विश्वकपको एसिया छनोट खेलमा नेपालले हङकङविरुद्ध बलिङ गर्ने भएको छ ।
यूएईको मालेक क्रिकेट मैदानमा हङकङले टस जितेर ब्याटिङ रोजेपछि नेपालले सुरुआतमा बलिङ गर्ने भएको हो ।
पहिलो खेलमा सिंगापुरलाई र दोस्रो खेलमा कुवेतलाई पराजित गरेको नेपाल लगातार तेस्रो जित निकाल्न चाहन्छ ।
हङकङ भने दोस्रो जितको खोजीमा रहेको छ । हङकङले पहिलो खेलमा कुवेतलाई पराजित गरेको थियो भने दोस्रो खेलमा यूएईसँग हार बेहोरेको थियो ।
प्रतियोगितामा नेपालसहित सिंगापुर,कुबेत,हङकङ,मलेसिया र आयोजक यूएईको सहभागीता रहेको छ । २०१६ पछि विश्वकपमा छनोट हुने लक्ष्यका साथ यूएई पुगेको नेपाली टोली जित निरन्तरता गर्न चाहन्छ।
नेपालले तेस्रो खेलमा २८ तारिख मंगलबार मलेसियासँग सामना गर्नेछ भने मार्च २ बुधबार घरेलु टोली यूएईसँग खेल्नेछ। राउण्ड रोबिनका आधारमा हुने प्रतियोगिताको शीर्ष टोली २०२४ मा श्रीलंकामा हुने यू–१९ विश्वकपका लागि छनोट हुनेछ।
