काठमाडौं । नेपाली राष्ट्रिय क्रिकेट टिमका पुर्वकप्तान एवम् स्पीनर सन्दीप लामिछानेको एकदिवसीय अन्तराष्ट्रियमा बलिङ वरीयता खस्किएको छ ।
अन्तर्राष्ट्रिय क्रिकेट परिषद (आईसीसी) ले अपडेट गरेको नयाँ वरीयतामा सन्दीप एक स्थान तल झरेर ३१ औं स्थानमा रहेका छन् ।
बलिङ तर्फ नै सोमपाल कामी र दीपेन्द्र सिंह ऐरीले शीर्ष १ सय भित्र स्थान बनाएका छन् । सोमपाल ९२ औं र ऐरी ९४ औं स्थानमा छन् ।
यस्तै, ब्याटिङ तर्फ कप्तान रोहित पौडेल पनि एक स्थान तल झरेका छन् । उनी ६७ औं स्थानमा छन् । त्यसैगरी, ज्ञानेन्द्र मल्ल ८६ औं तथा आसिफ शेख ९४ औं स्थानमा रहेका छन् ।
ब्याटिङतर्फ पाकिस्तानका कप्तान बाबर अजाम शीर्ष स्थानमा रहेका छन् भने बलिङमा भारतका तीव्र गतिका बलर मोहम्मद सिराज शीर्ष स्थानमा छन् ।
एकदिवसीय अन्तराष्ट्रिय वरीयतामा नेपाल १९ औं स्थानमा यथावत रहेको छ ।
