• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

संसारको सबैभन्दा खतरनाक ताल, जहाँ जनावरहरू पानीमा पसेपछि पत्थर बन्ने



एजेन्सी । तपाईंले बाल्यकालमा यस्ता धेरै कथाहरू सुन्नु भएको होला, जसमा जीवित प्राणीहरू पत्थर बनेका थिए । जसलाई पत्याउनै गाह्रो थियो । तर के तपाईलाई थाहा छ यो कथामा मात्र नभई वास्तविकतामा पनि हुन्छ । आज एउटा यस्तो तालको बारेमा चर्चा गरौँ जसमा जनावर वा चरा जाँदा ढुङ्गा (पत्थर) बन्छ । यो खतरनाक ताललाई मेडुसा ताल वा ‘जोम्बी लेक’ भनिन्छ ।

यसको नाम ग्रीक पौराणिक कथामा एक महिला चरित्र ‘मेडुसा’ बाट प्रेरित गरिएको हो, जुन धेरै डरलाग्दो छ । कथाका अनुसार उनले जसलाई एकै चोटि हेरे पनि ढुङ्गा बन्छन् । अफ्रिका महादेशको तान्जानिया देशमा रहेको यो ताल निकै खतरनाक छ । यस ताललाई त्यहाँका मानिसहरूले नेट्रोन ताल भन्छन् । यो रहस्यमय ताल अरुषा क्षेत्रको न्गोरोन्गोरो जिल्लामा अवस्थित छ ।

यस रहस्यमय तालको बारेमा भनिन्छ कि यस तालको नजिक जाँदा तपाईलाई रातो रंगको विशाल ताल देख्नुहुनेछ, जहाँ धेरै जनावर र चराहरूको मूर्तिहरू देखिनेछन् । वास्तवमा यो ती जनावर र चराहरूको शव हो जो मूर्ति जस्तै बनेका छन् । यो दृश्य हेर्दा निकै डर लाग्छ । स्थानीय मानिसहरू त्यो क्षेत्रमा जान डराउँछन् । यो ताल श्रापित भएको मानिसहरुको विश्वास छ । यस्तो अवस्थामा वैज्ञानिकहरूले यसको पछाडिको कारण जान्न कोसिस गरे, त्यहाँ जाने सबै पशु–पक्षीहरू मूर्ति बन्छन् । त्यसपछि यो पोखरीमा रहेको पानीका कारण यस्तो भएको खुलासा भयो ।

वास्तवमा, यस तालको पानी सामान्य पानी भन्दा धेरै क्षारीय हुन्छ । जसका कारण यस पानीको पीएच स्तर १०.५ सम्म हुन्छ । ज्वालामुखीबाट निस्कने लाभा यस तालको पानीमा पुग्छ र पानीलाई क्षारीय बनाउँछ, जुन निकै खतरनाक हुन्छ ।

यो संसारको एक मात्र ज्वालामुखी हो जसको लाभाले नाइट्रोकार्बोनेट उत्पादन गर्दछ । यति मात्र होइन, यस तालको पानीमा यस्ता कैयौं रसायन पाइन्छ, जसका कारण जनावर तथा चराचुरुङ्गीको शव सड्ने प्रक्रिया सुस्त हुन्छ । यही कारण हो कि यहाँ जनावर र चराहरूको शव ठ्याक्कै मूर्ति जस्तै देखिन्छ ।