काठमाडौँ । नेपाली कांग्रेसका नेता तथा सांसद चन्द्र भण्डारीलाई श्री एयरलाइन्सको विमानमार्फत मुम्बई लगिने भएको छ ।
बुधबार ग्यास सिलिन्डर विष्फोट भई गम्भीर घाइते हुनुभएका भण्डारीलाई थप उपचारका लागि अहिले २ बजे उक्त विमानमार्फत मुम्बईको नेसनल बर्न सेन्टर लगिँदैछ ।
हाल कीर्तिपुर बर्न अस्पतालमा उपचार गराइरहनुभएका भण्डारीको स्वास्थ्य अवस्था जटिल भएकाले थप उपचारका लागि मुम्बई लैजान लागिएको हो ।
मुम्बई ६ चिकित्सकसहित ११ जाने कांग्रेस केन्द्रीय सदस्य अजयबाबु शिवाकोटीले जानकारी दिनुभएको छ । भण्डारीको श्वास नलीमा जलनले असर सुन्निन सक्ने जोखिम भएको हुँदा श्वास नलीमा पाइप राखी (ईन्टुबेसन गरी) अक्सिज दिँदै मुम्बई लगिनेछ ।
ग्यास सिलिन्डर विष्फोटमा परी सांसद भण्डारीकी आमा हरिकलाको निधन भएको छ ।
