पोखरा । मुस्ताङको जोमसोमेखि पोखरातर्फ आउँदै गरेको बस कालीगण्डकीमा खस्दा बसमा सवार १७ जना घाइते भएका छन् । मुस्ताङको थासाङल गाउँपालिका–३ स्थित धम्पु भन्ने ठाउँमा सडकबाट बस कालीगण्डकीमा खस्दा २ भारतीयसहित १७ जना घाइते भएका हुन् ।
ना७ख ७४४० नम्बरको बस करिब ४५ मिटर तल खसेको हो । बसमा सवार सबै घाइत भएका छन् र तीमध्ये दुई जनाको अवस्था गम्भीर रहेको बताइएको छ । गम्भीर घाइते दुईसहित १४ जनालाई उपचारका लागि एम्बुलेन्समार्फत पोखरा पठाइएको प्रहरीले जनाएको छ । बाँकी तीन जानको स्थानीय प्राथमिक स्वास्थ्य केन्द्रमा उपचार भइरहेको छ ।
प्रहरीका अनुसार बस सिधै पानीमा खसेको र नजिकै प्रहरी कार्यालय रहेकाले छिटो उद्धार हुँदा ठूलो क्षति हुन पाएन ।
