काठमाौँ । राष्ट्रिय स्वतन्त्र पार्टी (रास्वपा)को केन्द्रीय समितिको बैठक आज बस्दैछ ।
दिउँसो तीन बजेका लागि बोलाइएको बैठकमा केन्द्रीय समिति विस्तार गर्नेबारे छलफल हुने बताइएको छ ।
हाल रास्वपाको केन्द्रीय समिति २४ सदस्यीय छ । केन्द्रीय समितिमा केही सदस्य थप्नेबारे आज निर्णय हुन सक्ने रास्वपाका एक पदाधिकारी बताउँछन् । यस्तै, बैठकमा अन्य समसामयिक राजनीतिक विषयबारे पनि छलफल हुने बुझिएको छ ।
रास्वपाले चितवन-२ मा हुने उपनिर्वाचनमा पार्टीको तर्फबाट उम्मेदवार प्राइमरी इलेक्सन गरेर छान्ने पनि जनाएको छ ।
