काठमाडौं । नेकपा माओवादी केन्द्रका उपमहासचिव जनार्दन शर्माले राजनीतिक व्यक्तिबाटै राष्ट्रपति निर्वाचित हुने बताएका छन् ।
संसद भवनबाट बाहिरिने क्रममा पत्रकारहरूसँग कुरा गर्दै शर्माले गठबन्धनबाटै सहमति खोजिने र राजनीतिक व्यक्ति नै राष्ट्रपति हुने दाबि गरेका छन् ।
‘हाम्रो बैठकमा राजनीतिक व्यक्तिभन्दा बाहिरबाट राष्ट्रपति बनाउने भन्ने कुनै छलफल भएको छैन।,’ शर्माले भने, ‘राजनीतिक व्यक्ति नै राष्ट्रपति बन्छन् र गठबन्धनबाटै सहमति खोजिन्छ ।’
उपमहासचिव शर्माले गठबन्धनमा खटपट भएको कुरा बाहिरी हल्लामात्र भएको दाबीसमेत गरे ।
