• २६ बैशाख २०८१, बुधबार
  •      Wed May 8 2024
  •   Unicode
Logo
Latest
★   चतराधाम कुम्भमेलामा आज अन्तिम शाही स्नान ★   मुस्ताङको चराङ–छोसेर सडक आयोजना अधुरो ★   मानव तस्करीमा संलग्न रहेको अभियोगमा एकजना पक्राउ ★   भारतीय मुलका क्रिकेटरलाई बलात्कार मुद्दामा सफाइ, अस्ट्रेलियाली महिलाले आरोप लगाएकी थिइन् ★   यी चीजहरू उपहारको रूपमा दिनाले सम्बन्धमा खटपट आउँछ ★   साना तथा घरेलु उद्यमशीलतालाई बढावा दिन जरुरी राष्ट्रपति पौडेल ★   के हो ‘स्लीप डिभोर्स’, सम्बन्धमा राम्रो कि नराम्रो ? ★   वनमा डढेलो, बस्तीमा छिरे वन्यजन्तु ★   चालक दलका सदस्य एकाएक विरामी, एयर इन्डियाका ७० उडान रद्द ★   सुनकोशी–मरिण डाइभर्सन कार्यान्वयनमा आएसँगै अर्थतन्त्रमा गुणात्मक योगदान पुग्ने प्रधानमन्त्रीको विश्वास

आरिफ शेखलाई वैकल्पिक सूचिमा राख्नुको कारण यस्तो



फाईल फोटो

काठमाडौं । नेपाल क्रिकेट संघ (क्यान) ले बिहिवार आईसीसी विश्वकप क्रिकेट लिग–टू अन्तर्गत नेपालमा हुने त्रिकोणात्मक सिरिजका लागि टिम घोषणा गरेको छ । तर, टिममा मध्यक्रमका ब्याटर आरिफ शेखलाई भने समाबेश गरिएन । नेपालले अन्तिम १४ सदस्य टोली घोषणा गर्दा आरिफलाई वैकल्पिक सूचिमा राखिएको छ ।

नेपाली क्रिकेट टोलीका प्रमुख छनोटकर्ता दीपेन्द्र चौधरीले आरिफलाई टोलीमा नराख्नुको कारण बताएका छन् । आरिफको स्वास्थ्य अवस्थाको कारण उनलाई टोलीमा नराखिएको छनोटकर्ता चौधरीले बताए ।

आरिफलाई इन्फेक्सन ज्वरो देखिएकोले वैकल्पिक सूचिमा राखिएको उनले बताए । ‘आरिफलाई इन्फेक्सन ज्वरो देखिएको छ । त्यसैले उसलाई रिकभरीको लागि समय दिएको छ’, छनोटकर्ता चौधरीले भने, ‘ज्वरोसँगै खोकी र दुखाई पनि रहेको छ । औषधी खाई रहेका छन् । ठिक नहुँदा टोलीमा नभएका हुन्’।

आरिफ ओडिआई क्रिकेटका भरपर्दा ब्याटर हुन् । उनलेले ३२ ओडिआई खेलमा ४ अर्धशतकसहित ५ सय ८२ रन बनाएका छन् । आरिफ मध्य गतिका बलर पनि हुन् । नेपालले आरिफको स्थानमा भीम सार्कीलाई मौका दिएको छ । भीमसँगै कुशल मल्ल र सन्दीप जोरा मध्य एकले पनि मौका पाउनेछन् ।

नेपालले पूर्वकप्तान सन्दीप लामिछानेलाई पनि मौका दिएको छ । सन्दीप बलात्कार आरोप लागेपछि पाँच महिनापछि नेपाली टोलीमा फर्किएका हुन् ।

त्यस्तै बायाँ हाते स्पिनर सूर्य तामाङ पहिलो पटक नेपाली टोलीमा परेका छन् । त्यसैगरी, किशोर महतो र कमलसिंह ऐरी भने अन्तिम २० बाट बाहिरिएका छन् ।

टियु क्रिकेट मैदानमा हुने आइसिसी विश्वकप लिग–२ अन्तर्गतको त्रिकोणात्मक सिरिजमा नेपाल, नामिबिया र स्कटल्याण्डको सहभागिता रहेको छ । फेब्रुअरी १४ देखि २१ सम्म हुने सिरिजको उद्घाटन खेलमा नेपाल र नामिबिया भिड्नेछन् ।

नेपाली टोली:

रोहित पौडेल, कुशल भुर्तेल, आसिफ शेख, ज्ञानेन्द्र मल्ल, कुशल मल्ल, दीपेन्द्र सिंह ऐरी, सन्दीप जोरा, सोमपाल कामी, करण केसी, ललित राजवंशी, सन्दीप लामिछाने, गुलशन झा, भिम सार्की, सुर्य तामाङ

वैकल्पिक खेलाडी:

आरिफ शेख, प्रतिश जी.सी, श्याम(मौसम) ढकाल र अर्जुन साउद