काठमाडौं। जनता समाजवादी पार्टी, नेपालका अध्यक्ष तथा उपप्रधान तथा स्वास्थ्य मन्त्री उपेन्द्र यादवले सरकारपले नै आफ्नो पार्टी फुटाइदिएको आरोप लगाउनु भएको छ ।
आज पत्रकार सम्मेलन आयोजना गरीयादबले आफूलाई पार्टी फुट्नुमा बाहिर हल्ला आएको जस्तै आशंका रहेको बताउनु भयो । उहाँले नेकपा (एमाले) का अध्यक्ष केपी शर्मा ओली र प्रधानमन्त्रीसमेत रहेका माओवादी केन्द्रका अध्यक्ष पुष्पकमल दाहाल ‘प्रचण्ड’ तर्फ लक्षित गर्दै शिसाको घरमा बस्नेले अरुको घरमा ढुङ्गा हान्न चेतावनी दिनुभयो ।
उहाँले भन्नुभयो ‘सिसाको घरमा बसेर अर्काको घरमा ढुंगा हान्न हुँदैन । आफ्नै घरमा फर्किन सक्छ । यहाँहरुलाई जस्तो लागेको छ । मलाई पनि त्यस्तै लागेको छ।’
यादबले वर्तमान सरकारलाई जसपा नेपालको समर्थन कायमै रहने बताउनु भयो । उहाँले भन्नुभयो प्रधानमन्त्री प्रचण्डलाई पनि ‘सत्ता समीकरण परिवर्तन हुँदैछ, उपेन्द्र र कांग्रेसबीच छलफल भइरहेको छ’ लगायतका हल्ला सुनाएर भ्रममा पारिकाएको उनले बताए । वर्तमान सरकार बनेदेखि आफूले कांग्रेसका कसैसँग पनि भेट नगरेको र कांग्रेसका नेता तथा कार्यकर्तालाई चिया पसलमा पनि भेटेको छैन ।
