काठमाडौँ । सुदूरपश्चिम प्रदेशसभाको आज बस्ने भनिएको बैठक स्थगित भएको छ । आजको बैठकमा मुख्यमन्त्री राजेन्द्रसिंह रावलले विश्वासको मत लिने कार्यसूची रहेको थियो ।
बैठक भोलि (बिहीबार) दिउँसो १ बजे पुनः बस्नेगरी स्थगित भएको हो ।
मुख्यमन्त्री रावललाई विश्वासको मत लिन सत्ता गठबन्धनमा रहेको नागरिक उन्मुक्ति पार्टी (नाउप) निर्णायक देखिएको छ । आफ्ना राजबन्दीलाई रिहाइ नगरेसम्म मुख्यमन्त्रीलाई विश्वासको मत दिन नसकिने सो पार्टीले जनाउँदै आएको छ । त्यसैले रावल नेतृत्वको सरकार संकटमा परेको जनाइएको छ ।
