काठमाडौं। क्रिकेटर सन्दीप लामिछानेविरुद्धको मुद्दामा काठमाडौं जिल्ला अदालतमा फैसलाका लागि तोकिएको पेशी जाहेरवालाका कानुन व्यवसायीले स्थगित गराएका छन्।
सोमबार फैसलाका लागि तोकिएको पेशी जाहेरवालाको तर्फबाट शान्ति रिसालले स्थगित गराएकी हुन् ।
आज हुने भनिएको पेशी न्यायाधीश चन्द्रप्रकाश तिवारीको इजलासमा तोकिएको थियो।
नाबालिग बलात्कारको अभियोग लागेका सन्दीपलाई उच्च अदालत पाटनले गत २९ पुषमा २० लाख रुपैयाँ धरौटीमा रिहा थियो । सन्दीपलाई पुर्पक्षका लागि धरौटीमा छोड्ने उच्च अदालतको आदेशविरुद्ध महान्यायाधिवक्ता कार्यालयले सर्वोच्च अदालतमा निवेदन दिएको थियो ।
सर्वोच्चले महान्यायाधिवक्तालाई उच्च अदालतबाट कैफियत प्रतिवेदन मगाउने आदेश गरेको छ।
