एजेन्सी । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले जित निकालेको छ ।
शनिबार राति सम्पन्न खेलमा युनाइटेडले क्रिस्टल प्यालेसलाई २–१ गोलले पराजित गरेको हो । युनाइटेडलाई जित दिलाउन ब्रुनो फर्नान्डेज र मार्कुस रासफोर्डले एक–एक गोल गरे । प्यालेसका जेफरी स्कुलुपले एक गोल फर्काए ।
खेलको सातौं मिनेटमा ब्रुनो फर्नान्डेजले पेनाल्टीमार्फत गोल गर्दै घरेलु टिम युनाइटेडलाई सुरुवाती अग्रता दिलाएका थिए । ६२ औं मिनेटमा रासफोर्डले गोल गर्दै युनाइटेडको अग्रता दोब्बर पारे ।
७६ औं मिनेटमा प्यालेसका जेफरी स्कुलुपले गोल गरेपनि टोलीको हार टार्न सकेनन् । ७० औं मिनेटमा कासेमिरोले रातो कार्ड खाँदै मैदान बाहिरिएपछि युनाइटेड १० खेलाडीमा समेटिएको थियो ।
जितसँगै २१ खेलबाट ४२ अंकसहित युनाइटेड तालिकाको तेस्रो स्थानमा रहेको छ । प्यालेस समान खेलबाट २४ अंकसहित १२ औं स्थानमा रहेको छ ।
