काठमाडौं । सिंहदरबार घेराउ गर्ने क्रममा पक्राउ परेका नागरिक अभियन्ताहरु साँझ छुटेका छन् ।
प्रहरीले नियन्त्रणमा लिएका २६ जना नागरिक अभियन्ताहरुलाई साँझ महेन्द्र पुलिस क्लब प्रदर्शनीमार्गबाट छोडिएको हो ।
बृहत् नागरिक आन्दोलनको आयोजनामा सिंहदरबार गेट अगाडि प्रदर्शन गर्ने तयारी भइरहेका बेला नारायण वाग्ले, खगेन्द्र संग्रौला, प्राध्यापक डाक्टर सञ्जीव उप्रेती, श्रवण मुकारुङ, राजेन्द्र महर्जन, विमल अर्याल, गोविन्द छन्त्याल, अनुभव अजित, अरुणदेव जोशी, निर्ग नवीन, शशी विक्रम कार्की, अरुण थापा, नवीन तिरुवा, बसन्त छिपा, अर्चना थापा, प्रणेतालगायत पक्राउ परेका थिए ।
