काठमाडौँ । बागलुङमा पेट्रोल छर्केर आत्मदाहको प्रयास गरेका शेरबहादुर जिसीलाई थप उपचारका लागि पोखरा रिफर गरिएको छ ।
घाइते जिसीलाई धौलागिरी अस्पतालमा अतिआवश्यक उपचारपछि थप उपचारका लागि पोखरा रिफर गरिएको हो ।
बागलुङ नगरपालिका–८ सिगानाका ५२ वर्षीय जिसीले बुधबार आफ्नै शरीरमा पेट्रोल छर्केर आत्मदाहको प्रयास गरेका थिए ।
जिसीले घरमा कोही नभएको अवस्थामा पेट्रोल छर्केर शरीरमा आगो लगाउँदै गर्दा छिमेकीले जोगाएका थिए । जिसीको अनुहार लगायत विभिन्न अंगमा जलेको बताइएको छ ।
आत्मदाहको कारणबारे केही खुलेको छैन । घटनाबारे थप अनुसन्धान भइरहेको प्रहरीले जनाएको छ ।
