एजेन्सी । शाहरुख खान अभिनित फिल्म ‘पठान’ले बक्स अफिसमा उत्साहजनक कमाई गरिरहेको छ । गत बुधबारबाट प्रदर्शनमा आएको फिल्म पठानले पाँच दिनमै ५४२ करोडको कलेक्शन गरेको हो ।
बलिउड ट्रेड एनालिस्ट तरण आदर्शका अनुसार फिल्म पठानले पाँच दिनमा भारतभित्रै ३३५ करोड र भारतबाहिर २०७ करोड गरी विश्वव्यापी रुपमा ५४२ करोडको कलेक्शन गरेको हो ।
सिद्धार्थ आनन्दको निर्देशन रहेको यस फिल्ममा शाहरुख खान र दीपिका पादुकोणसँगै जोन अब्राहम पनि प्रमुख भूमिकामा छन् ।
